قورئان و زانستی سەردەم

ده‌رباره‌ی كتێب:

ڕاستییه‌کی زانستی هه‌یه‌ که‌ هه‌موو زانایانی جیۆلۆجی دانی پێداده‌نێن، ئه‌ویش ئه‌وه‌یه‌ که‌ هه‌موو چیایێک ڕه‌گ گەلێکی هه‌یه‌ که‌ وه‌کو مێخ “وتد – Peg” داکوتراون به‌ زه‌ویدا، خۆ ئه‌گه‌ر ئه‌و ڕه‌گانه‌ نه‌بوونایه‌ ئه‌وا هه‌رگیز زه‌وی جێگیری و ئارامی به‌ خۆیه‌وه‌ نه‌ده‌بینی و چینی ڕووکەشی زه‌ویش له‌باری ناجێگیریدا دەبوو.

ئه‌م ڕاستییه‌ زانستییه‌ش له‌سه‌دی ٢٠ه‌وه‌ گرینگییه‌کی ته‌واوی پێدراوه‌ له‌لایه‌ن لێکۆڵه‌رانه‌وه‌، به‌جۆرێ که‌ ده‌یان ساڵ لێکۆڵینه‌وه‌ له‌باره‌یه‌وه‌ کراوه‌ و ئه‌نجامی لێکۆڵه‌ران سه‌لماندوویانه‌ که‌ چیاکان خاوه‌ن ڕه‌گ گه‌لێکن که‌ نزیکه‌ی شه‌ست کیلۆ مه‌تر ده‌بێت که‌ ڕۆچوون به‌ ناخی زه‌ویدا.