تکایە مەبنە مەڕ

نووسەر: مەحمود نامەنی

بەش: كۆمه‌ڵایه‌تی
ساڵی چاپ:
ژماره‌ی لاپه‌ڕه‌: 480
ژمارەی بینین لە ماڵپەڕ: 592
ژمارەی داونلۆد لە ئاپی مۆبایل: 37
ده‌رباره‌ی كتێب:

(سوهراب)بە نیگا سەوزەکەیەوە دەهۆنێتەوە:
ژیان پەڕو باڵێکی هەیە 
بە فراوانی مەرگ
بازدانێکی هەیە 
بەئەندازەی ئەوین 
ژیان شتێک نییە
کە لەسەر لێواری ڕەفەی خووپێوەگرتندا
لە بیری من و تۆ بچێتەوە
ژیان هەستێک نامۆیە کە باڵندەیەکی کۆچەر هەیەتی
ژیان شاوری شەمەندەفەرێکە
کەلەخەوی پردێک دەئاڵێت 
ژیان شوشتنی تەکە قاپێكە

(نانسی سیمس)بە نیگایەکی نەرم و زەریفەوە دەڵێت:
ژیان پێشبڕکێ نییە 
ژیان گەشتێکە 
وتۆ ئەو ڕێبوارە بە 
کە لە هەر هەنگاوێکیدا
زەمزەمەی خۆشی ساتەکان ڕەوانە
بە هەناسەدان لە کەشی ڕابردوودا
و نیگەرانبوون بۆ سبەینێ و نەهاتووەکان 
مەهێڵە ژیان لە نێوان پەنجەکانتەوە بتکێت
وئاسان بەفیڕۆ بچێت
دەستبەرداری خەونەکانت مەبە
کە بەبێ ئەوان ئومێدێکت بۆ ژیان نییە
بەبێ ئومێدیش،ژیان میلۆدییەکی نییە
و(هۆشەنگ شیفا)بە چەند پەیڤێکی ناڕەزایی دەڵێت:
ژیان واتە جموجۆڵ
ژیان واتە ژاوەژاو
ژیان واتە ،شەوی نوێ ،ڕۆژی نوێ ،ئەندێشەی نوێ
ژیان واتە،خەمی نوێ،حەسرەتی نوێ،پیشەی نوێ
ژیان دەبێت کەیل بێت لە جمەو تازەیی
ژیان دەبێت لە پێچ و لۆفەی ڕێگەکەیدا لە ڕەنگی ڕووداوەکان ڕەنگ بکرێت 
ژیان دەبێت یەک سات تەنانەت یەک هەناسە لە بزاوت دوانەکەوێت 
هەرچەند ئەم بزاوتە بۆ شوێن مەبەستێکی بێهودە بێت
ژیان هەروەک ئاوە 
ئەگەر بوەستێت سیمای دەشێوێت
و بۆگەن دەکات
لە هیلالی ئەستێلکەکەیدا گوڵی خەندە دەمرێت
مامزەکانی ئەوین لە ئاوە لیخنەکەی نۆش ناکەن
مەلی حەز لە ئاوێنە تەڵخەکەیدا ناخرۆشێت
من سرودێکی تازەم دەوێت 
شانازیەکی جیهانگیر و بەناوبانگم دەوێت
کرمێکی خاکی نیم تابەبێدەنگی لەقاوغەکەی خۆما بمێنمەوە
شەو کوێر نیم تا بەخۆری ڕووناک چاو بنوقێنم 
خۆرهەتاوم کە لە جێگەیەکا بەند نابم 
من هەوایەکی تازەم دەوێت!


918